Benjamin Franklin het eens gesê;“ a Nation that destroys its soil, destroy itself” Fisiologiese landbou word ondersteun deur vrugbare, gebalanseerde, mikrobe-lewendige grond, wat insluit ideale chemiese balanse tussen alle makro- en mikro-elemente. Saam met voldoende organiese materiaal, grondmikrobes en grondstruktuur, word gebalanseerde gewasvoeding onderhou. Sodra gronde in balans is, sal grond-pH outomaties herstel. Die ideale grond huisves 45% voedingsminerale, 4-5% organiese materiaal, 25% water, 25% suurstof en 1% grondmikrobes per volume.

Groente en vrugte met hoë brix-waardes, is gesonde, smaakvolle voedsel. Kos met hoë brix-waardes het veel hoër vlakke van koolhidrate en beskik oor groter mineraaldigtheids-vlakke, met ander woorde dit is die voedsel wat nodig is vir ‘n gesonde leefstyl.
Produkte met hoë brix-waardes het verbeterde weerstand teen siektes en insekskade. Volgens dr Carey Reams (1904-1985) gee brix-vlakke van plantsap ‘n aanduiding van voedsaamheid, smaaklikheid en rakleeftyd. Volgens Dr Reams moet brix-waardes van Plantsap verkieslik bo die vlak van 12 wees.

Biologiese landbou behels die gebruik van mikrobes vir biovoeding, siekte-onderdrukking en as insekpatogene vir die beheer van skadelike insekte. Verskeie basiese mikrobes is nodig in gebalanseerde grond, hul ekskresie en/of metaboliete dra by tot grondstruktuurvorming vir verbeterde deurlugting, waterhuishouding, asook die produksie van groeistimulerende fito-hormone sowel as siekte- en insekbeheer.